सर्व

तापतो आत लाव्हारसासारखा;

सांग मी शांत राहू कसा सारखा ?

योजना आखुनी जाळतो का मला ?

भ्रष्ट ना मी तुझ्या कापसासारखा.

सांग सोडू कसा आज पाण्या तुला ?

कोरडा होत आहे घसा सारखा.

औळखा तेच हे दिव्य मारेकरी;

त्या बुटांचा बघा हा ठसा सारखा.

पूर देतो कुणा, थेंबही ना कुणा;

धूर्त झालास तू पावसासारखा.

मार्ग काहीतरी काढ यातून रे;

हार मानू नको तू असा सारखा.

सोबतीचे जरी सर्व झाले पशू;

तू तरी वागना माणसासारखा!